«Тілді құрметтеу – Отанды сүю»

Алматы облысы Іле ауданы Жаңаталап ауылы 25 орта мектебінде 16.09.-11.10.2019ж күндері аралығында өтетін Қазақстан Республикасының Тілдері күніне байланысты «Тілді құрметтеу – Отанды сүю» тақырыбындағы айлықтың ашылуы өтті. Мақсаты: «Айлық барысында оқушыларды шығармашылыққа баулу, мемлекеттік тілді құрметтеу, халықтар достығын бағалауға тәрбиелеу. Оқушыларды бәсекеге қабілетті тұлға ретінде қалыптастыру».
16.09.2019ж күні әдістеме бірлестік мүшелерінің ұйымдастыруымен «Тілді құрметтеу –Отанды сүю» тақырыбында салтанатты жиын өтті. Салтанатты жиында айлықтың жоспарымен таныстырылды, сонымен бірге оқушылар өз шығармашылығынан Тіл мерекесіне арналған өлеңдер оқыды. 17.09-21.09.2019ж. күндері аралығында 1-11-сыныптарда «Тіл – білімнің кілті» тақырыбының аясында ашық тәрбие сағаттары өткізіледі. Ашық тәрбие сағаттарында оқушыларға тіл туралы көптеген мәліметтер берілді, көріністер көрсетілді, өлеңдер оқылды, әндер айтылды.